收餐知你系咩人(下)

收餐知你系咩人(下)


 

全吉

 

 

全吉,又命乜都冇。即系收餐果陣個盤上面乜都冇。呢個真系乾淨到一個點,你真系收個盤都幾爽,但唔好意思,果啲餐盤,前菜盤,杯系要回收架!我多數會望住個客,然後唔出聲,佢又會望住我,大家就此雙目交投大概4,5秒。之後我就會講:啲盤呢?佢都會扮傻同我講:原來沒有,從來都沒有。我就會同佢講:要回收架,請俾返我。佢多數繼續堅持。我系呢一刻忍唔住就會講句:陣間海關若果搵到會告你盜竊,你都應該幾麻煩。佢多數會即刻俾返我,系呢一刻,我真系收過多過一間航空公司嘅餐盤,餐具。可想而知佢地幾貪。

 

 

原封不動

 

無錯,真系會有原封不動。我明白經濟艙唔同商務艙,無得你揀幾點食。所以好多客就算上機前食左個譚仔,食左個m記,飽到嘔。問佢要唔要餐佢地都會要左先,唔好哂(錢),之後個餐淨系撩過舊生果就俾返我,其他乜都冇掂過。正所謂:食唔晒,唔好亂咁嗌啦!吃剩咁多,真係嘥!嘩!如果你覺得難食,其實可以唔要,因為有啲客食覺得好食,仲可能要多份。

 

 

 

百鳥歸巢

 

 

百鳥歸巢好似好好聽,其實系講緊乜野垃圾都俾哂我,仲要放到好“滿”。最常見到有starbucks杯,嘔吐袋(內有唔知乜垃圾),m記袋等等。其實飛機有垃圾桶嘅,系廁所一定有,但你要我幫你掉都得嘅,唔好放系個餐上面,分開囉。你個餐又有汁喎,我一拎起個杯就滴到我周圍都系。個樣仲要老馮咁喎。真心燥。所以以後有乜垃圾,儘量自己掉返,自己事自己做。

 

ABOUT EDITOR

Profile Image
醉愛空少

Hong kong

日日周圍飛 , 得閒寫下野 , 講下返工趣事。

FEATURE ARTICLE

2018 Travel Guide - Feb

2018 Travel Guide - Jan

日本旅行必買藥品 !

Close

How Togother Works