收餐知你系咩人(上)

做得空中服務員,工作離不開派餐及收餐。每次收餐都會令我地驚訝,甚至驚嚇。我會簡單分為幾類。

1 )整齊。
一個餐大致分為面包,頭盤,熱食及甜品。咁多數餐盤都會系設計到啱啱好大細,塞得落所有項目。有啲客食完個餐真系砌得返個盤出黎,作為服務員嘅我當然系會覺得呢個人好企理,而重點系我地系好喜歡收到呢一款。

 



2 )懶好心
多數呢隻最容易系孖位嘅夫妻,情侶,家庭最常見。好似頭先所講,一個餐盤系真系啱啱好塞得落啲野,咁好心嘅人就會將兩個打疊,好似方便啲我地收。但其實可能想早啲收餐收起左佢張枱,方便啲佢瞓教。多數系呢種情況,作為服務員嘅我地真系會黑一黑面,然後系個客面前分返開兩個盤,再慢慢收餐。目的有兩個,一系想宣洩內心嘅不滿,二系想話俾啲客知你地下次唔洗咁好心。

 

3 ) 金字塔形

 

有啲客人真系好奇怪,佢地會將一份都幾2d嘅餐,整到勁3D。佢地其實食得好有條有理,先食熱食,到前菜,再到生果,最後甜品,然後抹嘴。佢地會一份一份,一層一層疊上去。你收果陣真系恍惚見到一個藝術家整作品,或者見到個建築家為佢新設計搵靈感。但我地只會心諗:搞錯呀!我點收呀!佢地整得好果啲真系可以整到成座哈爾移動城堡咁,點移動都唔會跌。但大部分都系練習生,即系一移動就像這一束吊燈傾瀉下來。不過對付佢地最好嘅方法就系叫佢移動,倒瀉都唔關我事嘛。

ABOUT EDITOR

Profile Image
醉愛空少

Hong kong

日日周圍飛 , 得閒寫下野 , 講下返工趣事。

FEATURE ARTICLE

2018 Travel Guide - Feb

2018 Travel Guide - Jan

日本旅行必買藥品 !

Close

How Togother Works