黎緊我就會講下唔同地方一日遊,點解系一日遊而唔系3日2夜?原因系我留系果邊真系得一日。

 

第一集就講下令人又愛又恨嘅~上海。

 

 

點解系又愛又恨?若果返開大陸嘅人都知呢個地方真系可以一年365日都delay同埋delay幾耐永遠冇人知。

 

行程大概:

早 / 午餐 - 佳家湯包 + 小楊生煎

下午 - 南京步行街,外灘,豫園

晚餐 - 撈王

宵夜 - 新天地

 

首先作為空服嘅我地系唔會太早起身,睡眠永遠系最重要。所以我地瞓到十一點起身已經算好早。為大家介紹第一站,佳家湯包,其實上海有好多分店,但我今次介紹嘅系黃河路總店,點解?因為夠污蔑。其他分店會用點心蒸籠紙做底,咁就好似酒樓點心咁。但呢間唔同在佢會用果禾稈做底,食落就多一陣優香。一籠十二個,聽落好似好多,但食完都未必夠飽。

必食 : 旦黃湯包



未飽就過對面嘅小楊生煎,整多份生煎包。近年黎佢地都出左好多新口味,其實都唔錯,但本人最喜歡都系鮮肉同大蝦。食嘅時候要非常小心,真系要好細啖咬穿佢,飲啖湯汁先至好食,如果唔系真系好燙傷。

必食 : 鮮肉同大蝦生煎包



食飽就要周圍行下,一行出去轉左就已經系南京步行街,沿路直出就系外灘。其實同維港差不多,但扒手就多過香港好多。所以要小心財物。沿外灘右邊行就會到豫園。旅遊區,餐廳又唔特別好食,價錢又唔系抵,總之大家懂的。

 

行完都差不多晚餐,今次就會介紹撈王。好多人返大陸都會食海底撈,覺得啲野好食服務又好。但當試過撈王之後就會轉會。必食推介:胡椒豬肚雞煲。呢間餐廳會系打邊爐前每人送上一碗湯,飲完先開始打邊爐。冬天凍冰冰整碗,正!

必食推介:胡椒豬肚雞

 

 

食完就可以去新天地chill下~果度宜家開左大大話話有十幾問bar。食完飯系度飲杯野傾下計都幾正架。

 

 

今次就介紹住咁多先,下次為大家介紹台北一天遊~

ABOUT EDITOR

Profile Image
醉愛空少

Hong kong

日日周圍飛 , 得閒寫下野 , 講下返工趣事。

FEATURE ARTICLE

2018 Travel Guide - Feb

2018 Travel Guide - Jan

日本旅行必買藥品 !

Close

How Togother Works