安全帶燈著系咩意思

安全帶燈著系咩意思

Image result for seat belt sign

 


飛機上面點睇安唔安全,最簡單就系睇頭頂支安全帶燈。著即系有問題,熄都唔代表冇問題。咁我就為大家講下點解佢會亮著。

 


有時系登機嘅時候,有人會發現安全帶燈號會著一下熄左,之後再長著。究竟點解呢 ~ 其實系代表飛機啱啱入完油。你系呢刻系咪心諗飛機入緊油,咁危險點解會上客,其實你揸車入油咪一樣坐系架車入面,有乜分別。一樣爆炸都系死人冇分別。但呢支燈系安全嘅,作為客人嘅你只要唔好阻住我地空服守住度門,基本上乜事都冇。


當飛機開始移動嘅時候,安全帶燈就會長著。好多人都會以為飛機系地應該仲好安全,至少安全過飛緊,但其實都好危險。飛機系地就好似巴士一樣,但飛機比巴士少好多扶手,所以只要飛機一剎停時,你就好易仆親,所以都系坐返好,等多陣先周圍走啦~

 


飛行其間安全帶燈著呢~就系將會或正在遇到氣流。呢個真系超危險,你真系急到忍唔到先好離開個位,因為你真系會飛起。仲要扣好安全帶,啲打橫瞓埋人地個位果啲人,我真心希望你座返好。仲有大家,當你見到服務緊你嘅空姐,空少都坐系度你就要醒水,多數危險到hihi先會個個坐哂系度。所以下次醒目啦,知道有氣流,啲空姐又冇坐,咁你就好快手去埋個廁所啦!


仲有一個系臨降落前二十分鐘。系飛機降落三十分鐘會聽到機長PA,咁各位就真系快手去廁所,如果唔系要等四十分鐘。我就成日見啲客真系忍唔到,系條走廊求我開個廁所比佢方便,sorry ,too late。我只會叫你坐返埋位,扣好安全帶。到降落左之後,我仲要收到指示先開門俾你,冇計,唔到我話事。

所以上飛機一定要留意安全帶燈號呀!

ABOUT EDITOR

Profile Image
醉愛空少

Hong kong

日日周圍飛 , 得閒寫下野 , 講下返工趣事。

FEATURE ARTICLE

2018 Travel Guide - Feb

2018 Travel Guide - Jan

日本旅行必買藥品 !

Close

How Togother Works