我地做空中服務員嘅,真系對啲call bell 好敏感,每次一“叮”,都會好自然望下系邊個,之後問佢有乜需要。


50% 按錯。
我最討厭啲人一上飛機就系咁周圍㩒,hi aunte,你地有冇家教架,作客上人地飛機就好心安安份份坐好啦,唔識咪問隔離囉~又要好奇狂㩒,㩒完行過去問佢有乜需要又話冇,解釋完果個制系服務鈴,又要再㩒錯!hi!有時真系唔想話班友,但可唔可以醒少少。


30% 要水。
多數一上機啲人就要水,我心諗頭先機場冇水咩…我明,飛機啲水系任飲,但可唔可以唔好拎個大過500ml嘅樽俾我入水。入水仲要系暖水,咁向左走向右走煩。仲有入水之前可唔可以系咁意洗洗佢,有時見到啲陳年漬真心作嘔。

有時要一杯水我真系好樂意倒,因為可能系食葯,但隔離位果個可唔可以一齊講埋要水!每次都系去到俾完一杯,隔離位又話要,又要行入去多一次。明唔明,好冇謂。


pesticides-aircraft_456px.jpg

13-15%幾時到我有野食。
一到派餐啲人就會叮我過去問我:我幾時野食。

我講下個程序先:首先我地會入餐,之後出特別餐,再出正常餐。咁啲客就會系你出特別餐果陣問你點解我仲未有得食,我心諗:食遲幾分鐘洗死咩!之後又話我肚餓,可唔可以派我先,又話唔飽可唔可以要多份。你好趕咩?趕不如我開門俾你宜家落機先?我地會安排架啦,洗你教我做野呀~

仲有食多份,你第一份都未食,咁快講定食多份。講真我認得你,我實唔俾。你買一張飛,食兩個人嘅餐?你冇野下話。食唔飽香港機場有潭仔,自己搞掂啦!

仲有食完唔洗叮我收餐,我會黎收架...你叮我,我都系會講句:你等等,我陣間過黎收。你覺得阻住你坐,講真你可以選擇唔食囉…


剩餘果啲,系我最欣賞嘅客
例如借左筆叮你還俾你。有時啲客借完筆,十個有七個都唔會還,心諗:你借人野,系咪有義務主動還。
所以還筆嘅客我多數會送多啲野俾佢:微笑同一聲多謝。除左呢樣,我真系冇野可以再送。

ABOUT EDITOR

Profile Image
醉愛空少

Hong kong

日日周圍飛 , 得閒寫下野 , 講下返工趣事。

FEATURE ARTICLE

2018 Travel Guide - Feb

2018 Travel Guide - Jan

日本旅行必買藥品 !

Close

How Togother Works